• ئێران مه‌رجه‌كانی یه‌كێتی به‌رانبه‌ر پارتی ئاشكرا ده‌كات

  • پارتی كاتی راگه‌یاندنی كابینه‌ی نوێی ئاشكراكرد

  • هه‌فته‌ی دادێ پۆسته‌كانی یه‌كێتی یه‌كلایی ده‌بێته‌وه‌

  • شاناز: یه‌كێتی له‌ سلێمانی ده‌دۆڕێت

  • 25 ده‌فته‌ره‌كه‌ی لاهور بۆ عه‌لی باپیر چی لێهات

ئێران مه‌رجه‌كانی یه‌كێتی به‌رانبه‌ر پارتی ئاشكرا ده‌كات


یەكێتی بە مەرجێك بەشداری كابینەی نوێ‌ دەكات، بەشداری ڕاستەقینە لە ناوەندی بڕیاری هەرێمدا بكات لە ڕێگەی چەند پۆستێكەوە، لە ناوەندەكانی ئاسایش، سیاسی و ئابوری.

ئاژانسی هەواڵی “ئێرنا”ی فەڕمی ئێران بڵاوی كردەوە، یەكێتی به‌ 23 كورسی داوای زۆرێك له‌ پۆسته‌كانی كابینه‌ی نوێی حكومه‌ت ده‌كات و دەیەوێت پۆستی باڵای هەبێت لە هەریەك لە وەزارەتەكانی، سامانە سروشتییەكان، ناوخۆ، پێشمەرگە، فەرمانگەی پەیوەندییەكانی دەرەوە و ئەنجومەنی ئاسایش. ئه‌مه‌ش پێچه‌وانه‌ی خاڵه‌كانی دابه‌شكردنی پۆسته‌كانی حكومه‌ته‌ و ماوه‌ی چه‌ند مانگێكه‌ پرۆسه‌ی پێكهێنانی كابینه‌ی نوێی په‌كخستووه‌و به‌رده‌وام كێشه‌ی بۆ دروست ده‌كات.

بەپێی زانیارییەكانی ئاژانسەكەی ئێران، یەكێتی سورە لەسەر وەرگرتنی ئەو پۆستانە و لە حاڵەتی وەرنەگرتنیاندا بەشداری كابینەی نوێ‌ ناكات و بەوەش كابینەی نوێ‌ دروستناكرێت یاخود پارتی ئه‌وكات ناچار ده‌بێت به‌ هاوپه‌یمانی له‌گه‌ڵ گۆڕان و كه‌مه‌ نه‌ته‌وه‌كانی دیكه‌ كابینه‌كه‌ راده‌گه‌یه‌نێت و چاوه‌ڕوانی یه‌كێتی ناكات.

 

زیاتر بخوێنەوە

پارتی كاتی راگه‌یاندنی كابینه‌ی نوێی ئاشكراكرد

 

تاكۆتایی ئەم مانگە پرسی یاسای سەرۆكایەتی ھەرێمی كوردستان یەكلادەكرێتەوەو لەمانگی نیسانی داهاتووش به‌ڕێز مەسروور بارزانی بۆ پێكھێنانی كابینەكەی رادەسپێردرێت

پێگەی فه‌رمی پارتی لەزاری پەرلەمانتار سەباح زێباری بڵاویكردەوە، پارتی پڕۆژەیاسایەكی بۆ سەرۆكایەتی ھەرێمی كوردستان ئامادەكردووە و بڕیارە لەم هەفتەیەدا لە پەرلەمان گفتوگۆی لەبارەوە بكرێت، بڕیاریشە ئەمڕۆ ھەردوو شاندی پارتی و یەكێتی لەپیرمان كۆببنەوە و پڕۆژەكەش زیاتر پەیوەستە بەئەنجامی كۆبوونەوەی ئەمڕۆ، چونكە ئەگەر یەكێتی بەشداری بكات، ئەوا پێكەوە لەپەرلەمان دانوستان لەسەر پڕۆژەكە دەكەین، لەئەگەری نەھاتنی یەكێتییش، پڕۆژەیاسای سەرۆكایەتی ھەرێمی كوردستان یەكلادەكرێتەوە.
پەرلەمانتارەكەی پارتی راشیگەیاندووە، پارتی بڕیاری خۆی داوە تا كۆتایی ئەم مانگە ئەو بابەتە كۆتایی بێت، چونكە كات لەبەرژەوەندیی ھیچ لایەكدا نییە و پێكھێنانی حكوومەتی ھەرێمی كوردستان زۆر دوا كەوتووە، ئێمە لەگەڵ بزووتنەوەی گۆڕان پڕۆژەكە تاوتوێ دەكەین".
لەسەر پێكھێنانی كابینەی نوێ، دكتۆر سەباح زێباری ئاماژەی بۆ ئەوە كرد، تا سەری مانگ پرسی سەرۆكایەتیی ھەرێمی كوردستان ئەگەر بە تەنیاش بین یەكلای دەكەینەوە، هەروەها لە مانگی داھاتوودا، واتا نیسان، كاندیدی پارتی بۆ پێكھێنانی كابینەكەی رادەسپێردرێت و ئەوەش یەكلا دەكرێتەوە".

 

زیاتر بخوێنەوە

هه‌فته‌ی دادێ پۆسته‌كانی یه‌كێتی یه‌كلایی ده‌بێته‌وه‌


کۆبوونەوەی شاندی پارتی دیموکراتی کوردستان و یەکێتیی نیشتمانیی کوردستان کۆتایی هات و بڕیارە هەر لەم هەفتەیەدا کۆبوونەوەیەکی دیکە ئەنجام بدەن.

کۆبوونەوەی نێوان هەردوو شاندی پارتی و یەکێتی کۆتایی هات و لە ڕاگەیاندراوێکی هاوبەشدا ئاماژە بەوە دراوە کە لە کۆبوونەوەکەی ئەمڕۆدا لە پیرمام، گفتگۆی جدی و بەرهەمداریان لە چوارچێوەی ڕێککەوتنە سیاسییەکەی ٤ی ئاداری ٢٠١٩ی نێوان پارتی و یەکێتی کردووە.

جەختیش کراوەتەوە کە هەر ئەمڕۆ چوونەتە نێو وردەکاریی کارکردنی هاوبەش و لەم ڕووەشەوە ”هەنگاوی باش“ نراون و بڕیار دراوە لەم هەفتەیەدا کۆبوونەوەیەکی دیکە ئەنجام بدرێت و ”هەردوولا ئامادەکاری بکەن بۆ سەرخستنی پرۆسەی دانوستاندن و گەیشتن بە ڕێککەوتن“.

 

زیاتر بخوێنەوە

شاناز: یه‌كێتی له‌ سلێمانی ده‌دۆڕێت


نوێنه‌ری یه‌كێتی له‌ به‌ریتانیا له‌نوێترین ئاگادارینامه‌یدا بۆ حزبه‌كه‌ی به‌ ئاشكرا رایگه‌یاندووه‌، كه‌ به‌ڕێككه‌وتنی پارتی و گۆڕان، ئه‌وا به‌ڕه‌كه‌ له‌ژێر پێی یه‌كێتی له‌سلێمانی ده‌رده‌هێنرێت.

به‌پێی زانیارییه‌كانی ژێده‌ر، شاناز ئیبراهیم ئه‌حمه‌د له‌ ئاگادارینامه‌یه‌كیدا بۆ حزبه‌كه‌ی شتێکی زۆر سه‌یری درکاندووه‌ و وتویه‌تی: گۆڕان له‌ناو پێشمه‌رگه‌ و ئاسایش له‌ سلێمانی به‌قوه‌ته‌، مه‌ترسی هه‌یه‌ پارتی و گۆڕان بێ یه‌کێتی حکومه‌ت پێکبهێنن و ئه‌وکاته‌ سلێمانی له‌ده‌ست یه‌کێتی ده‌ر ئه‌چێت، چونکه نیوه‌ی ئه‌و هێزانه‌ سه‌ر به‌ گۆڕانن و ئه‌گه‌ر یه‌کێتی بیه‌وێت دوو ئیداره‌ییش دروست بکات، ناتوانێت و هێزه‌کانی دوو له‌ت ده‌بن.

شاناز به‌ ئاشكرا رایگه‌یاندووه‌، پێویست ناكات چیتر یه‌كێتی یاری به‌ كات بكات و داوای پۆستی گه‌وره‌تر له‌ خۆی بكات، بۆیه‌ ده‌بێت هه‌رچی زووه‌ له‌گه‌ڵ پارتی رێك بكه‌وێت و باری لاری خۆی راست بكاته‌وه‌ تاكو به‌یه‌كجاری سلێمانیشی له‌ده‌ست نه‌چووه‌.


زیاتر بخوێنەوە

25 ده‌فته‌ره‌كه‌ی لاهور بۆ عه‌لی باپیر چی لێهات


ماوه‌یه‌ك پێش ئێستا له‌لایه‌ن لاهور جه‌نگیه‌وه‌ بڕی 25 ده‌فته‌ر دۆلار وه‌ك دیاری ده‌درێته‌ عه‌لی باپیر ئه‌میری كۆمه‌ڵی ئیسلامی، ناوبراویش به‌شێكی پاره‌كه‌ ده‌خوات.

به‌پێی زانیارییه‌كانی ژێده‌ر كه‌ له‌سه‌رچاوه‌یه‌كی نزیك له‌ یه‌كێتیه‌وه‌ ده‌ستیكه‌وتووه‌ ئه‌وه‌ی ئاشكراكردووه‌، ماوه‌یه‌ك پێش ئێستا به‌مه‌به‌ستی توندوتۆڵكردنی په‌یوه‌ندییه‌كانی له‌گه‌ڵ كۆمه‌ڵی ئیسلامی، له‌لایه‌ن لاهور جه‌نگییه‌وه‌ بڕی 25 ده‌فته‌ر دۆلاری ئه‌مه‌ریكی به‌خشراوه‌ته‌ نه‌خۆشخانه‌ی كۆمه‌ڵ له‌ شاری سلێمانی و پاره‌كه‌ش راده‌ستی عه‌لی باپیر كراوه‌، به‌ڵام ناوبراو سه‌رجه‌م ئه‌و پاره‌یه‌ی بۆ نه‌خۆشخانه‌كه‌ ته‌رخانكرابوو، نیوه‌ی بۆ خۆی گلداوه‌ته‌وه‌و خه‌رجیكردووه‌.


زیاتر بخوێنەوە
Previous
داهاتوو